Katërmbëdhjetë persona kanë vdekur në Tajlandë pasi një autobus dykatësh doli nga rruga dhe u përplas me një pemë.
Si pasojë, tridhjetë e dy të tjerë u plagosën pas përplasjes në Prachuap Khiri Khan, një provincë bregdetare në jug të vendit, përcjell Telegrafi.
Tajlanda ka një nga normat më të larta të aksidenteve rrugore në botë, duke çuar në mijëra vdekje çdo vit.
Shumë ia atribuojnë këtë standardeve të dobëta të sigurisë në rrugët e ngarkuara të vendit.
Vetëm në vitin 2022, 15,000 njerëz humbën jetën në rrugët e Tajlandës, sipas Qendrës së të Dhënave të Aksidenteve Rrugore të vendit.
#Thailand: Around 14 people were killed, and several injured in a horrific bus accident in Thailand’s Prachuap Khiri Khan province. #ThailandBusAccident #BusAccident #Bus #WorldNews pic.twitter.com/NMq9RyURRa
— News18 (@CNNnews18) December 5, 2023
Shkaku i aksidentit të së hënës mbrëma nuk është konfirmuar, por policia dyshon se shoferi mund të mos ketë fjetur mjaftueshëm, raportoi AFP.
Ai u lëndua rëndë, por mbijetoi. Autoritetet po kontrollojnë gjithashtu nivelet e tij të alkoolit në gjak, tha agjencia e lajmeve.
Policia është ende duke verifikuar identitetin e personave që humbën jetën nga ky aksident. /Telegrafi/