Ministria e Shëndetësisë në Maqedoni informon se në 24 orët e fundit janë regjistruar 23 raste të reja me Covid-19, nga 386 teste të kryera.
Prej rasteve të reja: 5 janë në Shkup, 5 në Kumanovë, 3 në Prilep, 6 në Tetovë, 2 në Veles dhe 2 në Negotinë, përcjell Telegrafi Maqedoni.
Me rastet e sotme numri i përgjithshëm i të infektuarve me coronavirus shkon në 1465.
MSH informon se në 24 orët e fundit janë regjistruar edhe 4 viktima nga coronavirusi.
Bëhet fjalë për një pacient nga Shkupi (62), një paciente nga Gostivari (59), si dhe dy nga Kumanova (72 dhe 79 vjeçar)./Telegrafi/
