Katër persona kanë humbur jetën dhe disa rezultojnë të zhdukur pas një shpërthimi në një hidrocentral në veri të Italisë.
Siç raporton BBC, shpërthimi ndodhi nën ujë në liqenin Suviana, 70 km nga qyteti i Bolonjës, transmeton Telegrafi.
Zona e prekur ndodhet 30 metra nën sipërfaqen e liqenit. Kryetari i qytetit të afërt Camugnano tha për agjencinë e lajmeve Ansa se një zjarr besohet të ketë shpërthyer gjatë punimeve të mirëmbajtjes.
❌#Bologna, #esplosione nel primo pomeriggio di #oggi in una centrale idroelettrica semi-sommersa a Bargi, nei pressi del lago di Suviana: soccorsi 3 operai feriti, #vigilidelfuoco impegnati nelle operazioni di ricerca di possibili dispersi. Intervento in corso [#9aprile 16:30] pic.twitter.com/EsT20o16lM
— Vigili del Fuoco (@vigilidelfuoco) April 9, 2024
Marco Masinara tha se ekipet e shpëtimit kishin vështirësi të kenë qasje dhe se aksidenti ka qenë “serioz”. Prefekti i Bolonjës, Attilio Visconti, tha se një zjarr shpërtheu kur një turbinë shpërtheu në katin e tetë nën sipërfaqe, duke shkaktuar që dyshemeja më poshtë të përmbytet.
Një nga zhytësit e përfshirë në operacionin e kërkim-shpëtimit i tha gazetës italiane La Repubblica se kishte arritur të arrinte në katin e shtatë nën sipërfaqe, por nuk mundi të arrinte te tre personat e bllokuar më poshtë.
💥🇮🇹 Italie –
Explosion peu avant à la centrale hydroélectrique de Suviana au sud de Bologne. Au moins 4 blessés graves et 6 disparus pour l'heure.
Vidéo ⤵️ pic.twitter.com/knsUqD001Z
— Marto Pirlo (@martopirlo1) April 9, 2024
Mësohet se disa persona kanë pësuar djegie të rënda pas shpërthimit, i cili ndodhi rreth orës 15:00. Ata u dërguan në spitalet e afërta me helikopter.
Liqeni Suviana është një liqen artificial i vendosur në vargun malor Apenine afër Bolonjës. Liqeni u formua pas ndërtimit të një dige në vitin 1932. /Telegrafi/