Katër persona, përfshirë një vajzë shtatëvjeçare, janë plagosur nga të shtënat jashtë një funerali në veri të Londrës, tha policia Metropolitane.
Oficerët thanë se tre gra – të moshës 48, 54 dhe 41 – u dërguan në spital pas incidentit në Phoenix Road, afër stacionit Euston, transmeton Telegrafi.
Detektivët thanë se ngjarja ndodhi në afërsi të një kishe, ku po zhvillohej një varrim. Policia tha se të shtënat dyshohet se janë qëlluar nga një automjet në lëvizje.
Lëndimet e tyre nuk thuhet të jenë kërcënuese për jetën, por 48-vjeçarja ka pësuar një dëmtim që mund të ketë një pasojë.
Një vajzë shtatë vjeçare u dërgua më vonë në një spital qendror të Londrës me lëndime që besohet se janë pësuar në të njëjtin incident. /Telegrafi/