Ministri i Shëndetësisë, Venko Filipçe tha se pacientët me coronavirus janë në gjendje stabile shëndetësore përveç pacientes së parë nga Dibra, e cila ka gjendje të përkeqësuar.
“Sot erdhën testimet për 10 pacientë tjerë nga Dibra, prej të cilëve katër janë pozitiv”, thotë Filipçe duke shtuar se Dibra dhe Qendër Zhupa shpallet zonë krize dhe se gjatë pasdites do të njoftohet për detajet se çfarë do të thotë kjo shpallje dhe se në këto territore do të ketë kufizim të lirisë së lëvizjes, njofton Telegrafi Maqedoni.
Ai njoftoi se edhe edhe një udhëtar nga Komuna e Aerodromit që ka udhëtuar jashtë vendit dhe ka temperaturë është testuar dhe ndodhet në izolim bashkërisht me personat të cilët ka pasur kontakt.
Momentalisht ka nëntë pacientë në Klinikën për Sëmundje Infektive duke përfshirë këtu edhe pacienten e parë që në dy teste rezulton negativ. /Telegrafi/