Chelsea ka një test të vështirë të martën mbrëma (sot), pasi ata përballen me Liverpoolin dhe duhet të ndryshojnë lojën e tyree pa Graham Potter, dhe 11-ja e tyre fillestare mund të jetë shumë e ndryshme.
Humbja e Bluve nga Aston Villa në fundjavë i zbriti ata në vendin e 11-të në tabelën e Ligës Premier, derisa pësuan humbjen e tyre të 10-të të sezonit.
Me këtë, Potter u shkarkua, vetëm shtatë muaj në krye të ekipit – pasi paraqitjet nuk po përmirësoheshin përkundër se u bënë mbi 700 milionë euro shpenzime në prurjet e reja.
Me shkarkimin e anglezit, Bruno Saltor është në krye të ekipit për një kohë të përkohshme dhe testi i tij i parë fillon sonte ndaj The Reds.
Pra, pa pasur përvojë të mëparshme me zgjedhjen e një formacioni, dhe shumë lojtarë për të zgjedhur, më poshtë keni dy formacione se si mund të rreshtohet Chelsea.
.png)
Përzgjedhja e parë duket si mënyra më e dukshme për të shkuar, duke iu përmbajtur taktikave të Potterit dhe atyre që kanë përdorur trajnerët e mëparshëm të Chelseat.
Për më tepër, është pjesa më e madhe e të njëjtës 11-she që humbi ndaj Villas, që mund të duket si një vendim i tmerrshëm, duke marrë parasysh rezultatin, por janë kryesisht lojtarët më të mirë.
N’Golo Kante vjen në ekipin startues pas lëndimit të tij dhe Reece James kthehet në rolin e tij më të njohur të mbrojtësit të krahut, Bruno duhet të shkojë për këtë formacion realisht.
.png)
Ndoshta Bruno do të shkojë për një sistem më ‘konvencional’ dhe mund të përdor skemën 4-4-2.
Mesfusha është vendi ku blutë kanë shumicën e zgjedhjeve të tyre dhe mund të përdoren lojtarë si, Madueke dhe Pulisic për të nxjerrë më të mirën nga Aubameyang në sulm.
Zgjedhja e numrit nëntë më të mirë të Brunos në skuadër do të ishte një rrezik i tmerrshëm, duke pasur parasysh se ai nuk ka luajtur për pjesën më të madhe të sezonit, por në një partneritet me Havertz ndoshta mund të funksionojë.
Bruno nuk ka zgjedhur kurrë një formacion startues, kështu që ndoshta ai do të shkojë për një formacion diamanti dhe do të fusë Carney Chukëuemeka në ekip.
Conor Gallagher zakonisht nuk luan aq larg përpara, por ai është i mirë në presing dhe kjo do t’i lejonte Felixit të ishte më i lirë.
Çuditërisht, David Datro Fofana është dukur i mirë në disa nga paraqitjet e tij të shkurtra dhe ka shënuar një gol që nga debutimi i tij.
Në skemën 3-4-1-2, mund të rikthehet Mendy në portë, por që atij i duhet kohë për t’u rikthyer në formë shkaku që ka pasur lëndim.
James do të kthehej në qendër të mbrojtjes, ku ai ka aftësinë për të menaxhuar situatën sikur të ishte në krah, me Hakim Ziyech që do të zhvendosej në vend të tij.
Po kështu, mund të jetë kjo më në fund mënyra për të përfituar më shumë nga Mykhailo Mudryk, i cili ka qenë jashtëzakonisht i dobët që nga janari dhe pati një tjetër paraqitje të zbehët në fundjavë. /Telegrafi/