Katër familjet, shtëpitë e të cilëve u dogjën, morën ndihmë financiare dhe humanitare nga ana e Ministrisë për Punë dhe Politika Sociale (MPPS), në bashkëpunon me komunën Shuto Orizare, Kryqin e Kuq në Shkup dhe organizatën humanitare ”Kalliri i Mirësisë”, njofton Telegrafi Maqedoni.
Katër familjet Mustafa u vizituan nga ministri i MPPS-së, Ibrahim Ibrahimi, nga i cili morën vendimin për ndihmë në para, me një shumë të ngjashme si rroga mesatare në Maqedoni, që të mund t’i sanojnë dëmet e pësuara nga zjarri.
Ndihmë në para familjet Mustafa morën edhe nga kryetari i komunës Shuto Orizare, Elvis Bajram, kurse Kryqi i Kuq dhe Kalliri i Mirësisë dhuruan ndihma humanitare./Telegrafi/