Ambasadorja e Shteteve të Bashkuara të Amerikës përshëndeti ratifikimin e Protokollit për hyrjen e Maqedonisë së Veriut në NATO nga ana e Senatit të SHBA-ve duke e vlerësuar si rezultat i punës së vazhdueshme dhe përkushtimin ndaj të ardhmes.
“Jam e kënaqur për shkak të përkrahjes së madhe të Senatit në ratifikimin e Protokollit për hyrjen e Maqedonisë së Veriut në NATO nga SHBA-të. Kjo është rezultat i punës së vazhdueshme dhe përkushtimin ndaj të ardhmes. Me padurim e pres vazhdimin e zhvillimit dhe përforcimit të partneritetit mes dy vendeve”, shkruan ambasadorja e SHBA-ve në Maqedoni, Kate Marie Byrnes, njofton Telegrafi Maqedoni.
Ndryshe sot Shtetet e Bashkuara të Amerikës në Senat me 91 vota “për” dhe dy vota kundër votuan Protokollin për hyrjen e Maqedonisë së Veriut në NATO.
SHBA-të janë shteti i 25-të që ratifikojnë Protokollin e hyrjes së Maqedonisë së Veriut në NATO ndërsa vendi pritet që në dhjetor të bëhet anëtar zyrtar i Aleancës./Telegrafi/
So pleased to see the overwhelming support in our Senate for U.S. ratification of North Macedonia’s @NATO accession protocol. This is the result of much hard work & commitment to investing in the future. Looking forward to continuing to develop & deepen our countries’ partnership pic.twitter.com/UuRLntTz9D
— Ambassador Kate Byrnes (@USAmbNMacedonia) October 22, 2019