Pasi që e ëma e tij gjatë shtatzënisë kishte marrë një pilulë për fjetje – Talidomid, Peter Brown, erdhi në jetë si invalid.
Pranoi invaliditetin e tij dhe vendosi ta shfrytëzojë “atë më të mirën” nga jeta, transmeton Telegrafi.
“Ka qenë shok i madh. Britma e infermieres “Oh, zot” ishte mikpritja që më është bërë në këtë botë”, fillon rrëfimin Peter.
Talidomid u shpik në të 50-at nga kompania gjermane Grunenthal, gratë që asokohe e përdornin gjatë shtatzënisë apo kishin mbetur shtatzënë pas përdorimit të Talidomidit, kanë lindur fëmijë me deformime, e disa kanë pësuar edhe abort.
Në 46 shtete në mbarë botën kanë lindur mbi 10 mijë fëmijë me probleme të tilla, që rezultoi me katastrofën më të madhe medicinale.
E një nga këto foshnje është Peter. Pas depresionit gjatë fazës së pubertetit, vendosi të pranojë invaliditetin e tij. Duke u trajnuar dhe marrë me sport, fitoi forcë, e madje edhe medalje në skijim gjatë lojërave dimërore.
“Ishte çështje fati, por unë më shumë e shoh si sfidë”, pretendon ai.
Peter me kalimin e kohës mësoi të jetojë sikurse çdo njeri tjetër. U martua dhe filloi të punojë si terapeut. Pavarësisht komplikimeve shëndetësore që u detyrua ta lë punën, ai për asnjë moment nuk u dorëzua.
Sot është vullnetar dhe drejtor ekzekutiv i organizatës humanitare në Shqipëri, ku ndihmon personat me invaliditet.
“Çdo person vlen dhe ka talente që duhet t’i zbulojë”, tha Brown të cilit i pëlqen të shëtis, gatuaj dhe jetën modeste e konsideron si shumë të rëndësishme.
Edhe pse nga kompania që prodhon Talidomidin pranoi një shumë të parave si dëmshpërblim, Peter deri më sot nuk ka pranuar një kërkimfalje të sinqertë. /Telegrafi/