Erjon Kastrati vazhdon me paraqitje të mira në Ligën Aba. Basketbollisti i Kosovës ishte më i dalluari për skuadrën e tij, Koper Primorska, që pësoi humbje nga Mornari me rezultat 87-66.
Kastrati luajti 39 minuta në këtë ndeshje dhe e mbylli ndeshjen me 20 pikë, tri kërcime dhe tri asistime, duke vazhduar me formë të mirë në këtë ligë.
Primorska ndodhet në vendin e fundit me shtatë humbje nga shtatë ndeshje, thuhet në faqen e FBK-së.
Erjoni është njëri nga lojtarët më të dalluar të Kosovës dhe forma e tij jep shpresë, edhe për Përfaqësuesen.
Ndryshe, Kosova në fund të nëntorit do të ballafaqohet me Sllovakinë dhe Islandën, në kuadër të parakualifikimeve për Kupën e Botës 2023.