Qëndron Kastrati thotë se pas refuzimit të zgjedhjeve serbe, reagimi i ndërkombëtarëve nuk ishte asnjëherë më i ashpër.
Nënkryetari i PSD-së, Qëndron Kastrati në “Debat Plus” me Ermal Pandurin në RTV Dukagjini, ka thënë se Kosova nuk duhet të bie në nivelin e mentalitetit të Ballkanit se kush kujt si po ja kthen.
“Nëse e shohim pikturën e madhe të ngjarjeve rreth refuzimit të zgjedhjeve serbe, për mua Albin Kurti është fitues elektoralisht në Kosovë për momentin, por fituesja më e madh është Serbia”, tha ai, përcjell Telegrafi.
“Storja që po e ndërton Serbia te bashkësia ndërkombëtare është se gjoja që në Kosovë nuk respektohet komuniteti serb”.
Kastrati thotë se për herë të parë në Kosovë ka pasur një reagim të tillë ndaj Kosovës në ëebfaqet e ambasadave të vendeve të Quint-it.
Nënkryetari i PSD-së thotë se Kosova nuk do të del mirë nëse sot i thuhet një të huaji se serbëve iu mohua e drejta e votimit.
“Ne duhet të synojmë për një marrëveshje përfundimtare pasi situatat gjeopolitike und të ndryshojnë. Albright shkoi, Engel nuk është më në pozitat që ishte në SHBA. Na ka mbetur vetëm Biden që i njeh mirë rrethanat e asaj kohe”, deklaroi Kastrati./Telegrafi/