Rreth orës 9:30 te mëngjesit te sotëm një grup personash, ne mesin e te cilëve ka qenë edhe Bilall Kasami, kane hyrë me forcë duke thyer dyert e selisë së Lëvizjes Besa në Shkup. Sigurimi i objektit ka thënë se nuk ka mundur t’i ndalojë dot për shkak të numrit të madh të personave që kanë marrë pjesë, njofton Alsat-M.
Në ato momente nuk i ka ngelur gjë tjetër veçse të lajmërojë policinë. Policia ka mbërritur menjëherë në vendngjarje dhe për momentin po kryejnë kontrolle brenda selisë. Nuk ka informacione për të ndaluar nga ana e policisë. Bilall Kasami dhe të tjerë ndodhen akoma brenda selisë së Lëvizjes Besa.
