Të enjten, 25 gusht 2016, “Karvani i lirisë” do të udhëtojë në komunat e Bogovinës, Jegunovcit, Tearcës, Vrapçishtit, Gostivarit dhe Tetovës, transmeton Telegrafi Maqedoni.
Ngjarjet do të fillojnë në ora 12 në sheshin e Tetovës, ku ekipi i Civil do të organizojë një konferencë për shtyp në të cilën do ta prezantojë programin për ngjarjet e ardhshme të Karvanit. Më tej Karvani do të vazhdojë në komunat fqinje të Bogovinës, Jegunovcit, Tearcës, Vrapçishtit, Gostivarit, ku aktivistët e Civil do të bisedojnë me qytetarët dhe do ti prezantojnë qëllimet dhe programin e Karvanit, ndërsa në orën 18 do të mbahet ngjarja muzikore në Gostivar.
Për të interesuarit do të ketë transport pa pagesë për në ngjarjen e madhe multimediale në Tetovë që do të mbahet të premten më 26 gusht./Telegrafi/