Pas një studimi të gjatë të zakoneve të klientëve të saj, Ford vendosi të ofrojë një risi në makinën e saj.
Ford ka studiuar përdoruesit e kamionëve për muaj me radhë dhe ka vërejtur se shpesh kanë nevojë të pushojnë gjatë një vozitje të gjatë dhe tani ata do të jenë në gjendje ta bëjnë këtë në një mënyrë më komode, transmeton Telegrafi.
Prandaj, nga viti i ardhshëm, ata vendosën t’u ofrojnë klientëve vende Max Recline.
Sistemi sjell pesë patenta dhe lejon vendosjen pothuajse horizontale të mbështetëses. Kjo i kthen vendet në një shtrat udhëtimi dhe përdoruesi gjithashtu ka mbështetje në zonën e qafës.
“Përdoruesit e F-150 janë vazhdimisht në rrugë ose në punë, dhe të qenit në gjendje të marrin një sy gjumë për disa minuta është një ndihmë e vërtetë për efikasitetin e tyre të punës”, thotë Ben Kulhawik, inxhinier në departamentin e dizajnit të sediljeve.
Sistemi punon duke ngritur pjesën e pasme të sipërfaqes ulur me 9 cm për të marrë një sipërfaqe të sheshtë dhe mbështetje në rajonin e mesit.
Mbështetësja mund të zhvendoset për së gjati për të pozicionuar në mënyrë optimale mbështetësin e qafës. /Telegrafi/