Me medalje të bronztë u stolis edhe karateistja e klubit të karatesë "Elita" nga Gjilani, Fortesa Orana (-65 kg.) në "US Junior Internacional Cup". Orana sukses arriti edhe në turneun "Ozawa Cup" e që u mbajt gjithashtu në Las Vegas të Amerikës. Ajo fitoi dy medalje të arta, njërën në "Shobu Ippon" dhe tjetrën sipas rregullave të Federatës Botërore të Karatesë, njofton të hënën Federata e Karatesë së Kosovës.
"Në mesin e mbi 50 shteteve nga bota dhe SHBA, Kosova kësaj radhe u prezantua vetëm me dy karateistë të cilët lanë gjurmë, duke fituar medalje nderi në ‘USA Open’ si dhe në ‘Junior International Cup’, aktivitet i cili mbahet për grupmoshat e reja", ka deklaruar presidenti i Federatës së Karatesë së Kosovës, Fadil Arifi. /Telegrafi/