Tatjana Karakamisheva, kryetare e komisionit të sistemit politik të OBRM-PDUKM-së, tha se ajo nuk ishte konsultuar nga partia kryesore e opozitës për propozimin që Dragan Kovaçki të jetë ministri teknik i brendshëm në qeverinë kalimtare që do të organizojë zgjedhjet e parakohshme.
“Për t’ju sqaruar, askush nuk është këshilluar me mua për këtë çështje, kështu që nuk ka asnjë skandal. Kur flas për zbatimin e Kushtetutës nuk fshihem, por jam e zëshme”, thuhet në reagimin e profesoreshës ndaj aktivistit Xhabir Deralla, i cili e kritikoi atë për mos parashikimin e faktit që Kovaçki nuk mund të merrte detyrën sepse, siç thotë ai, sipas Kushtetutës, një person ushtarak nuk mund të kryejë detyrat e një personi civil.
Më herët, Gordana Siljanovska-Davkova, një tjetër eksperte për sistemin politik në ekipin e kryetarit të OBRM-PDUKM-së Hristijan Mickovski, për media tha se ajo nuk ishte konsultuar për propozimin./Telegrafi/