Zv. kryeministri bullgar Krasimir Karakaçanov u kyç online në radion “Kanal 77” gjersa kryeministri Zoran Zaev ishte i ftuar në studio. Për Karakaçanov, është një fakt historik që qeveria bullgare dhe cari ishin aleatë të Gjermanisë dhe Hitlerit, por kjo nuk do të thotë që Bullgarët duhet të quhen fashiste.
“Qeveria Bullgare dhe Cari bullgar ishin aleatë të Gjermanisë dhe Hitlerit. Ky është një fakt historik. Autoritetet e Italisë dhe shtetit kroat ishin aleatë, prandaj mos i quani ata fashistë”, tha Karakaçanov.
Ai gjithashtu iu referua masakrës në Vatasha, e cila sipas tij nuk ndodhi sepse popullsia ishte maqedonase, por për shkak të luftës midis shtetit dhe komunistëve. Ai thotë se kishte një rast të ngjashëm në Bullgarinë qendrore ku policia bullgare vrau 12-13 fëmijë.
“Kam qenë tre herë në Vatasha. Herën e parë në 94. Kam lexuar më shumë dokumente për Vatashën sesa kolegët tuaj. Ka incidente si Vatasha në Jastrebino në Bullgarinë qendrore ku policia bullgare vrau 12-13 fëmijë dhe i vrau jo sepse ishin maqedonas, por sepse ishte një luftë civile. Shteti kundër komunistëve nuk është kundër maqedonasve. Kjo sepse komunistët ishin në luftë me shtetin, ndërsa shteti kundër komunistëve, dhe jo kundër maqedonasve etnikë ose të tjerëve. Vatasha është një rast tragjik nga historia jonë e përbashkët”, vlerëson Karakaçanov.
Kryeministri Zaev theksoi se Marrëveshja e 2017-s me Bullgarinë mund të japë ende rezultate nëse zbatohet dhe nëse të dyja palët respektohen në negociata./Telegrafi/
