Maqedonia e Veriut e ka mbajtur konferencën e parë ndërqeveritare me BE-në, me çka edhe zyrtarisht i ka filluar negociatat për anëtarësim në Union.
Pas konferencës së parë ndërqeveritare, Komisioni Evropian menjëherë e ka filluar edhe procesin e skriningut, i cili përmban 35 kapituj. Telegrafi Maqedoni do t’iu informojë për përmbajtjen e secilit kapitull nëpër të cilët duhet të kalojë Maqedonia e Veriut.
Kapitulli i pestë: Prokurimi publik
Ky kapitull përmban rregulla dhe principe të transparencës, barazisë gjatë trajtimit, konkurrim të lirë dhe pa diskriminim. Rregullat specifike të BE-së parashohin që të koordinohen kontratat afatgjata dhe afatshkurtëra për procesin e tenderimit. Vendosja e procedurave gjatë punëve të përgjithshme dhe të përbashkëta dhe të financuara nga shteti duhet të jetë universale në të gjithë institucionet e vendit pa përjashtim.
Ndryshe, përveç kapitujve të BE-së, Maqedonia e Veriut ka nënshkruar edhe protokoll me Bullgarinë, i cili përmban gjithashtu disa rekomandime dhe detyrime, të cilat duhet të plotësohen nga të dy shtetet, për të mos pasur pengesa në anëtarësimin e Maqedonisë së Veriut në BE./Telegrafi/