West Ham Unitedi humbi nga Burnley me rezultat 0-3 në Ligën Premier.
Kështu ‘Çekanët’ renditën në vendin e 16-të me 30 pikë, tri më shumë se Crystal Palace në vendin e 18-të që dërgon në Championship. Vlen të theksohet se Crytal ka një ndeshje më pak, atë ndaj Chelseat.
Në minutën e 67-të, një minutë pas golit të parë nga mysafirët, durimi i tifozëve të West Hamit përfundoi dhe këtu filloi kaosi.
Një grup i tyre u futën në fushë në formë pakënaqësie për paraqitjen që po e bën skuadra e tyre, ndërsa një pjesë e tjetër lanë shkallët e stadiumit para kohe, duke detyruar kështu largimin edhe të pronarëve të klubit nga stadiumi.
Këta të fundit u këshilluan nga sigurimi që të lëshojnë London Stadium për sigurinë e tyre pasi turma kishe dal nga kontrolli.
Ata që vendosën të futën në fushë u qetësuan shpejt, njëri nga tifozët u ndal ashpër nga kapiteni i skuadrës Mark Noble.
Mark Noble fighting a protesting fan pic.twitter.com/fKBrMTyMrF
— FN (@Footballuno) March 10, 2018
Por, jo dhe një tjetër, i cili kishe marrë me vete flamurin e kornerit dhe dëshironte ta nguliste në mesin e fushës.
Ndeshja e ardhshme e West Hamit është kundër Southamptonit. /Telegrafi/
