Papu Gomez beson që Atalanta mund të vazhdojë tutje në Ligën e Kampionëve, sidomos nëse zhvillohet një turne me format “Final 8”.
Plani i UEFA për momentin është që të mbyll ndeshjet e raundit të eliminimit direkt para se të kalojë në çerekfinale, për të marr vendimin e radhës.
“Ne prekëm qiellin, duke përjetuar një moment unik dhe historik për klubin dhe qytetin”.
“Është e pabesueshme që gjithçka u ndal. Tani do të jemi në çerekfinalen e Ligës së Kampionëve dhe do të na përshtatej sinqerisht të luajmë vetëm një ndeshje, pasi gjithçka mund të ndodhë brenda 90 minutave. Do të jetë spektakolare”, ka thënë Gomez për TyC Sports.
Atalanta tashmë u kualifikua pasi mposhti Valencan 8-4 me rezultat të përgjithshëm.
Papu u pyet me cilin skuadër do të dëshironte të përballej në “Final 8” të Ligës së Kampionëve.
“Ndoshta një skuadër spanjolle, shpresoj të luaj kundër Leo Messi dhe Barcelonës. Duke marrë parasysh stilin tonë të lojës, unë do të thoja se do të kishim rast më të mirë kundër një skuadre spanjolle sesa angleze apo gjermane”, ka thënë ai. /Telegrafi/