Ky është momenti i frikshëm kur disa fermerë nga një fshat i Malajzisë, e kishin kapur një piton gjigant, pasi ai kishte gllabëruar dy dhitë e tyre, me çka edhe lëvizte me shumë vështirësi.
Zvarraniku, që thuhet se ishte rreth 5 metra i gjatë, përcjell Telegrafi, kishte mundur të rrëmbente dy kafshët e fermerëve, pasi kishte mundur të futej përmes gardhit, në fshatin e qytetit Pahang.
Më vonë fshatarët e tronditur gjetën gjarprin shtrirë në baltë, duke u përpjekur për të tretur ushqimin e madh.
Shkencëtarët kanë thënë se pasi kishte ngrënë këto kafshë, trupi i pitonit mund të ketë kaluar në momente dramatike, për “tu marrë” me gjithë atë ushqim. /Telegrafi/
