Një peshkatar raportohet ta ketë zënë në rrjetën e tij të peshkimit një burrë 74-vjeç, që kishte ndërruar jetë. Por, ai në vend se ta raportoj rastin në polici, e kishte kthyer sërish në ujë sikur të mos kishte ndodhur asgjë e keqe.
Siç raporton The Guardian, peshkatari grek u arrestua pasi kishte zënë me rrjetën e peshkimit burrin e vdekur, të cilin pasi e pa se çfarë ishte e kishte kthyer në det, transmeton Telegrafi.
Ngjarja raportohet të ketë ndodhur të dielën, të njëjtën ditë kur 74-vjeçari që u kap në rrjetë peshkimi ishte raportuar si i zhdukur në afërsi të brigjeve të Pelion.
Peshkatari 52-vjeç do të ndiqet penalisht për mos raportim të rastit – konkretisht njeriut të vdekur që e kishte zënë me rrjetë peshkimi.
Pelion është një prej destinacioneve më të njohura turistike në Greqi, ku çdo vit mijëra vizitorë ia mësyjnë plazheve të këtij qyteti grek. /Telegrafi/