Derisa testohej, G70 ka pasur shtresa të mëdha kamuflazhi
Gjatë kohës së fundit, Genesis është përkushtuar në masë të madhe për G80 dhe versionin SUV të këtij modeli, por kjo nuk do të thotë se i ka harruar makinat me përmasa më të vogla, transmeton Telegrafi.
Vitin e kaluar, Genesis nisi të punonte në G90 të ri, ndërsa këtë herë ka nisur të punojë në G70 të ri, makinë e cila është kapur duke u testuar.
Meqenëse është për dy vite në treg, Genesis G70 do duhej të pësonte ndryshime, andaj ka nisur puna që të mos jetë më i njëjti.
Shtresat e mëdha të kamuflazhit, nuk lejojnë të shihen detajet, por në përgjithësi shihet se është bazuar në G80 që ka përmasa më të mëdha.
Bie në sy, dritat LED që kanë një ndarje në mes, si në pjesën e përparme ashtu edhe në atë të pasme.
Dizajni që do ta pësojë G70 i ri, bëhet në mënyrë që të mund të konkurrojë me rivalët si BMW 3 Series dhe Audi A4. /Telegrafi/
