Liverpool po përpiqet t’i bëjë lojtarët e tyre më të mirë në çdo aspekt të mundshëm.
Dhe një shembull i tillë është përmirësimi i qetësisë së lojtarëve kur ekzekutojnë penallti.
Për të matur nivelet e stresit që kalojnë lojtarët, ata përdorin sensorë gjatë stërvitjes, ka zbuluar Cody Gakpo.
“Në Liverpool ata matin aktivitetin tonë të trurit gjatë penalltive. Kjo bëhet përmes një kapele me elektroda në kokë”, shpjegoi holandezi në një intervistë me Algemeen Dagblat.
“Ju fitoni njohuri se si stresi funksionon në trurin tuaj dhe ata përpiqen t’ju ndihmojnë të mbani kontrollin e tij”.
“Nuk mund të imitosh gjithçka kur stërvitesh për penallti. Gjithmonë ka presion. Dhe mund të humbisni. Nuk keni garanci. Por, ju gjithashtu mund të bëni shumë. Në çdo rast, kurrë nuk kam frikë të bëj penallti”, ka shtuar më tej ai. /Telegrafi/