Harry Kane është zgjedhur lojtari më i mirë i javës në Ligën e Kampionëve.
Në mesjavë, apo më saktë të martën dhe mërkurën mbrëma janë zhvilluar ndeshjet e katërta të grupeve në ligën elitare të klubeve evropiane.
Shumica e ndeshjeve janë fituar nga favoritët, por ka pasur edhe rezultate befasuese.
Edhe këtë javë ka pasur gjithashtu futbollistë që kanë shkëlqyer në aspektit individual.
I tillë është sulmuesi anglez i Tottenham Hotspur, Harry Kane, i cili është zgjedhur lojtari më i mirë i javës në Ligën e Kampionëve.
⚽️⚽️
Congratulations to @HKane, who wins #UCL Player of the Week for Matchday 4! 👏👏👏#UCL #POTW @FTBSantander pic.twitter.com/tgdw79YfxK— UEFA Champions League (@ChampionsLeague) November 9, 2018
Kane ishte më meritori në fitoren 2-1 të skuadrës angleze ndaj holandezëve të PSV-së, të cilët ishin duke udhëhequr 0-1 deri në minutën e 78-të.
Sulmuesi anglez në këtë ndeshje arriti të shënojë dy gola dhe t’ia fitojë ndeshjen skuadrës së tij, duke i mbajtur gjithashtu në garë për një vend që i kalon grupet.
26-vjeçari në këtë garë mposhti me vota Milan Pavkov, Riyad Mahrez dhe Karim Benzema. /Telegrafi/