Harry Kane ka zbuluar se në këtë verë e planifikon largimin nga Tottehham Hotspuri shkaku që dëshiron të fitojë trofe.
Sulmuesi anglez është njëri ndër më të mirët në botë në pozitën e tij, andaj dëshiron që në vitet e mbetura të karrierës së tij, të fitojë ndonjë trofe.
“Është një gjë, nuk mund të them po ose jo. I dashuroj Spurs, gjithmonë do t’i dashuroj Spurs”, ka thënë ai.
“Por, është një gjë – e kam thënë gjithmonë se e ndjej që ne nuk po bëjmë progres si skuadër apo po shkojmë në drejtim të duhur”.
“Unë jam një lojtar ambicioz dhe dua të zhvillohem më shumë, dua të bëhem më i mirë, dua të bëhem një top lojtar”.
“Nga pikëpamja ime, të gjithë duam të fitojmë trofe, po si qëndrojnë gjërat, mendoj se do të jetë e vështirë”, ka shtuar më tej Kane.
Sulmuesi anglez është duke u kërkuar nga skuadra si, Real Madrid, Juventus, Chelsea dhe Manchester United. /Telegrafi/