Jocelyne Larocque ka refuzuar ta mbaj medaljen e argjendtë olimpike pasi Kanadaja humbi në finale nga SHBA-të në Lojërat Olimpike Dimërore Pyeongchang 2018 që po mbahen në Kore të Jugut.
Një lojtare e ekipi të femrave kanadeze të hokejit nuk pranoi të mbante medaljen e saj të argjendtë pasi ekipi kombëtar humbi ndaj rivalëve të SHBA-ve në finalen olimpike.
Jocelyne Larocque e mori medaljen, por e largoi dhe nuk e mbajti në qafë gjatë ceremonisë në Pyeongchang vetëm pak sekonda pasi një zyrtar i dha asaj.
29-vjeçarja dhe shoqet e saj e humbën të artën ndaj SHBA-ve të enjten në një ndeshje dramatike.
Kjo humbje i dha fund një serie prej katër medaljesh të arta në katër lojërat e fundit olimpike.
Ekipi amerikan festoi gëzimin e medaljes së artë dhe përfundoi mjerimin 20-vjeçar olimpik kundër Kanadasë në përplasjen më të paraparë të Lojërave të Dimrit.
Ata mbajtën nervat e tyre dhe fituan ndeshjen dramatike në vazhdime pasi ndeshja përfundoi 2-2 në kohën e rregullt.
Gjesti i Larocque u prit mjaft mirë nga kanadezët të cilët e lavdëruar për karakterin e fortë, ndërsa amerikanët e cilësuan si një turp refuzimin e mbajtjes së medaljes në qafë. /Telegrafi/
Tough loss for Canada, but this made my night. I think Jocelyne Larocque just became my favorite female hockey player.#USAvsCAN #PyeongChang2018 #Olympics #Hockey #OlympicHockey #CAN #TeamCanada #JocelyneLarocque #BadAss pic.twitter.com/dhqA0Qqa5A
— Jacob Prusia (@JPrusia) February 22, 2018