Kryeministri i provincës kanadeze të Ontarios, Doug Ford të martën urdhëroi heqjen e të gjitha prodhimeve të alkoolit amerikan nga raftet e dyqaneve në të gjithë Ontario, ndër të tjera masa drastike kundër presidentit të SHBA-së, Donald Trump.
Kjo do të thotë që në provincë nuk do të ketë Whiskey Tennessee Sour Mash, vodka Texas, bourbon Kentucky apo verë Kalifornie për gjatë periudhës së luftës tregtare. Kjo ishte përgjigja e parë e Ford ndaj tarifave 25 për qind të Trump për mallrat kanadeze.
Por nuk ishte e fundit, shkruajnë mediat.
Kryeministri gjithashtu anuloi marrëveshjen e provincës për internetin satelitor prej 100 milionë dollarësh me Starlink të Elon Musk dhe kërcënoi me taksa eksporte prej 25 për qind për energjinë elektrike që dërgohet nga Ontario në 1.5 milion konsumatorë në New York, Michigan dhe Minnesota.
U.S.-Canada Confrontation Escalates: Has Trump Irrevocably Damaged Relations with America’s Closest Ally?
The trade dispute between the U.S. and Canada is intensifying as Canadian provinces retaliate against Trump’s newly imposed tariffs.🔹 Canadian Provinces Boycott U.S. Goods… pic.twitter.com/kl7YFJpYJ5
— NEXTA (@nexta_tv) March 5, 2025
“Duhet të sigurohemi që Amerika të ndjejë dhimbjen. Ndaloni së bleri mallra amerikane”, u shpreh Ford.
Ndërsa punonjësit e LCBO po hiqnin shishe dhe kanaçe amerikane nga rreth 680 dyqane dhe 389 dyqane agjenci rurale në zonat verore, faqja e internetit e korporatës u mbyll përkohësisht “deri sa të heqim produktet amerikane në përgjigje të tarifave të SHBA-së për mallrat kanadeze”.
Shitësi, i cili shet 1 miliard dollarë vlerë produktesh të ndryshme nga 35 shtete amerikane, gjithashtu kontrollon të gjithë shitjen me shumicë të alkoolit në Ontario.
Kjo do të thotë se produktet amerikane nuk do të jenë në dispozicion për bare, restorante, dyqane speciale me shishe, dyqane ushqimore të licencuara dhe dyqane të mëdha. /Telegrafi/
