Milwaukee Bucks ka vazhduar me formë fantastike në elitën e basketbollit amerikan, NBA.
Kampioni në fuqi i NBA ka marrë fitoren e tetë radhazi dhe të 14-tën në përgjithësi këtë edicion.
Në Fiserv Forum, Bucks kanë mposhtur Charlotte Hornets me dy pikë diferencë 127:125.
Mysafirët patën epërsi të theksuar deri në 18 pikë në tre çerekët e parë, por në finish Bucks u treguan më vendimtar për ta marrë fitoren.
Giannis Antetokounmpo me 40 pikë, 12 kërcime e nëntë asistime ishte më meritori për fitoren e vendasve.
That was fun 💥💥 #LetsBoogie pic.twitter.com/7zvZ1wL01M
— Giannis Antetokounmpo (@Giannis_An34) December 2, 2021
Ndërkohë me lojë të mirë u dalluan edhe Khris Middleton me 21 pikë si dhe Allen që shtoi 16 të tjera.
LaMelo Ball ishte basketbollisti më efikas te mysafirët me 36 pikë e nëntë asistime, por që nuk mjaftuan për fitore. /Telegrafi/
Rezultatet:
Indiana Pacers – Atlanta Hawks 111:114
Orlando Magic – Denver Nuggets 108:103
Washington Wizards – Minneaotta Timberwolves 115:107
Boston Celtics – Philadelphia 76ers 88:87
Miami Heat – Cleveland Cavaliers 85:111
Milwaukee Bucks – Charlotte Hornets 127:125
New Orleans Pelicans – Dallas Mavericks 107:139
Oklahoma City Thunder – Houston Rockets 110:114
LA Clippers – Sacramento Kings 115:124