Pas një pushimi disa ditor, aksionet janë rikthyer në ligën më të fortë të basketbollit në botë me gjashtë ndeshje të tjera.
Kampioni i dhe nënkampioni i NBA-së kanë arritur fitoret e radhës duke mposhtur rivalët e tyre.
Cleveland Cavaliers triumfoi kundër New York Knicks me rezultat 119-104 ndërsa Golden State Warriors ishin më të mirë se Los Angeles Clippers, të cilët i mposhtën me rezultat 123-113, transmeton Telegrafi.
Basketbollisti më efikas te Cavs ishte Kyrie Irving me 23 pikë gjersa u ndihmua edhe nga Kyle Korver me 20, gjegjësisht LeBron James shtoi 18 pikë.
Te njujorkezët më të mirë ishin Courtney Lee me 25 pikë ndërsa Carmelo Anthony kishte pesë më pak.
Golden State triumfoi në saje të Stephen Curryt që shënoi 35 pikë ndërsa Kevin Durant shtoi 25 gjersa Klay Thompson realizoi 18 pikë.
Austin Rivers dhe Jamal Crawford ishin më të mirët te Clippers me nga 19 pikë secili.
Pas kësaj, Cavaliers kanë bilanc prej 40 fitoreve dhe 16 humbjeve ndërsa Knicks regjistruan humbjen e 35 kundrejt 23 fitoreve.
Në anën tjetër, Warriors regjistruan fitoren e 48 ndërsa kanë nëntë humbje. Clippers kanë bilanc prej 35 fitoreve dhe 22 humbjesh. /Telegrafi/
Rezultatet tjera:
Detroit 114-108 Charlotte
New Orleans 99-129 Houston
Orlando 103-112 Portland
Sacramento 116-100 Nuggets
