Disa shtylla elektrike janë rrëzuar në Rrugën “Ahmet Krasniqi” në Prishtinë.
Dëshmitarë të ngjarjes kanë thënë për KALLXO.com se shtyllat janë dëmtuar nga një kamion, i cili po bartte një ekskavator.
Përveç që ka thyer shtyllat elektrike, kamioni në fjalë edhe ka këputur kabllo të rrymës dhe kabllo të tjera duke rrezikuar jetën e personave që kanë kaluar andejpari.
Në vendin e ngjarjes ka dalë Policia dhe ekipet e KEDS-it.
