Gjashtë persona humbën jetën dhe tre tjerë u lënduan, si pasojë e një aksident trafiku që ndodhi në një autostradë në Turqi.
Ishte shoferi i një kamioni që humb kontrollin mbi mjetin transportues dhe goditi rrethojat mbrojtëse dhe kaloi në kahjen e kundërt – duke goditur veturat që vinin nga korsitë e anës tjetër të rrugës, transmeton Telegrafi.
Sipas policisë turke, aksident me fatalitet ka ndodhur në autostradën Edirne që lidhë Silivrin.
Autoritetet kanë bërë të ditur se nga ky aksident kanë humbur jetën gjashtë shtetas turq, dhe tre tjerë pësuan lëndime të rënda.
Kamerat e sigurisë kanë kapur momentin kur shoferi i kamionit humb kontrollin godet rrethojën dhe futet në korsitë e kundërta – duke u përplasur direkt me mjetet tjera motorike që lëviznin.
Deri më tani nuk dihet nëse shoferi kishte patur ndonjë problem shëndetësorë, në momentin kur humbi kontrollin mbi kamionin apo nëse thjesht ishte pakujdesi. /Telegrafi/
