Kameruni e ka siguruar pjesëmarrjen në çerekfinale të Kupës së Kombeve të Afrikës duke mposhtur (2-1) Komoret.
Që në fillim të ndeshjes, Komoret mbetën me një lojtar më pak, pasi pas konsultimit të VAR-it, Nadjim Abdou u përjashtua me karton të kuq.
Pas 29 minutave lojë, Vincent Aboubakar dhuroi një pasim të shkurtë për Karl Toko Ekambi, i cili i kaloi kamerunasit në epërsi.
Kameruni realizoi një tjetër gol në fraksionin e dytë me anë të Vincent Aboubakar (70’), i cili u asistua nga Martin Hongla.
Komoret u rikthyen në lojë me golin e bukur të Youssouf M’Changama nga gjuajtja e lirë (81’), mirëpo nuk arritën të bënin më shumë deri në fund.
Në çerekfinale, Kameruni do të luajë përballë Gambisë që në të tetën e finales e eliminoi Guinenë. /Telegrafi/
https://twitter.com/wyngback/status/1485543952967090177
https://twitter.com/Zak_Hakimi/status/1485712529921916932
Golón de Youssouf M'Changama. Directo al Puskás. pic.twitter.com/MkvgyZSwrc
— Matías 🏁 (@8A_Matias) January 24, 2022