Është ndoshta kafshimi “më i fuqishëm” në mbretërinë e kafshëve.
Një dron i ABC News u përball me “forcën më të madhe të kafshimit” kur një krokodil u hodh dhe e largoi nga ajri ndërsa kameramani i ABC, Dane Hirst ishte duke filmuar në Darwin.
Sipas mediave të huaja, përcjell Telegrafi, ngjarja e çuditshme ndodhi gjatë prodhimit të një dokumentari multi-platformë të ABC News, “Territori i Krokodilit”.
Dokumentari shënon 50 vjetorin e ndalimit të gjuetisë së zvarranikëve të lashtë në Territorin Verior, në Australi.
Hirst tha se ai nuk kishte kohë që po filmonte kur dëgjoi atë lloj tingulli që dëgjoni vetëm kur një krokodil kap nofullat e tij me një shpejtësi marramendëse.
“Fillimisht mendova: Mirë, do ta përdor këtë mundësi, është në një vend të palëvizshëm. Unë mund të marr disa fotografi të mira të tij”.
Po kur Hirst ngriti kokën lart, droni ishte zhdukur.
“Shikova poshtë kontrolluesin tim dhe ishte një ekran bosh dhe pa lidhje”, tha ai. /Telegrafi/
