Një vajzë e re kishte vendosur të tallet keq me të dashurin e saj, i cili gjithashtu vazhdimisht tallej me të duke i realizuar kamera të fshehta që e vinin atë në siklet.
Ai së fundmi e kishte provokuar rëndë duke e detyruar të vesh të brendshme me vibrator dhe të zhvishet brenda një supermarketi, derisa ajo nuk ishte në dijeni që tinëzisht po e filmonte, transmeton Telegrafi.
Dhe kështu ajo vendosi t’i hakmerret duke realizuar një kamerë të fshehtë, por që nuk e pati përfundimin siç e kishte menduar ajo.
Vajza e njohur si Jen, vendosi ta lyej trupin me ngjyrë të kuqe që ngjante shumë me gjakun dhe u shtri në tokë, duke u shtirur kinse ka kryer vetëvrasje.
Por për ta bërë kamerën e fshehtë sa më bindëse, ajo kishte marrë afër vetes një thikë gjigante me qëllim që partneri i saj të mendojë se me të kishte kryer vetëvrasje.
Dhe në momentin që ai kthehet nga puna dhe futet në apartamentin në të cilin jetojnë, ai e gjen të shtrirë në tokë të mbuluar nga “gjaku”.
I pushtuar nga paniku dhe frika, i dashuri i saj fillimisht ia vë nën kokë pallton që e kishte veshur dhe niset që ta dërgojë me urgjencë në spital.
Por derisa po largohej nga apartamenti ai nuk u shfaq shumë i kujdesshëm, pasi e përplasi partneren për tehun e komodinës që ishte pranë derës, dhe nga dhimbja e madhe ajo nuk mund më të shtirej si e vdekur dhe fillon të bërtas.
Si pasojë e kësaj tallje, ajo pësoi lëndime të lehta trupore dhe mavijosje në këmbë. /Telegrafi/
