Zëvendëspresidentja amerikane, Kamala Harris ka nisur një fushatë reklamuese agresive me vlerë 50 milionë dollarë, duke u thënë votuesve në zgjedhjet presidenciale në SHBA se ajo ka qenë gjithmonë sypatrembur.
Videoja një minutëshe tregon pamjet e 59-vjeçares që kur ajo ishte foshnjë dhe kur ajo u diplomua nga kolegji dhe u bë zëvendëspresidente e Shteteve të Bashkuara.
Si prokurore, ajo dërgoi vrasës dhe banditë pas hekurave, si prokurore e shtetit të Kalifornisë u ngrit para bankave dhe si zëvendëspresidente e SHBA-ve u ngrit në këmbë ndaj kompanive të mëdha farmaceutike për të kufizuar çmimin e insulinës për të moshuarit. Sepse Kamala Harris e dinte gjithmonë se kë përfaqësonte, thuhet në video.
“Donald Trump dëshiron të na kthejë, por ne nuk do të kthehemi pas”, thotë Harris.
Videoja e parë e fushatës së Kamala Harrisit u publikua pak ditë më parë. Në të, zëvendëspresidentja amerikane pyet se “në çfarë lloj vendi duam të jetojmë”?
“Ka disa që mendojnë se duhet të jetojmë në një vend kaosi, një vend frike, urrejtjeje”, dëgjohet ndër të tjera në video, ndërsa në sfond luhen videot e fjalimeve të ish-presidentit amerikan, Trumpit.
Ky i fundit deri më tani ka rezervuar 12.2 milionë dollarë në reklama televizive dhe digjitale gjatë dy javëve të ardhshme.
Ndryshe, ABC raporton se fushata reklamuese duhet të zgjasë tre javë. /Telegrafi/
NEW: We just launched our campaign’s first TV ad.
Donald Trump wants to take us backward — but we are not going back. pic.twitter.com/MzsCk5CxCL
— Kamala HQ (@KamalaHQ) July 30, 2024