Real Madridi po i afrohet me shpejtësi sezonit të ri dhe pas largimit të Karim Benzemas, do të shikojë Vinicius Junior për të udhëhequr sulmin e tyre.
Ka një argument të mirë për të thënë se Vinicius Jr po e bënte këtë tashmë vitin e kaluar, por me francezin jo më në formacion, edhe më shumë sulme të tyre do të rrjedhin përmes brazilianit.
Së fundmi, ylli brazilian ndryshoi numrin dhe mori fanellën e vjetër të Cristiano Ronaldos me numrin 7, diçka për të cilën ishte mirënjohës.
“Jam shumë mirënjohës që vesh këtë fanellë që kanë veshur lojtarë shumë të mirë”, ka thënë fillimisht Vinicius Jr për Marca.
“Unë jam i frymëzuar nga Cristiano Ronaldo sepse i kam parë të gjitha ndeshjet e tij dhe ai ka shënuar një epokë në klub. Ai është një idhull për mua”, përfundoi braziliani.
Sigurisht që nuk është çudi që ai do të zgjidhte portugezin si idhullin e tij, duke qenë një pjesë ikonë e historisë së Real Madridit. Një brez i tërë u rrit duke admiruar Ronaldon dhe ai është golashënuesi më i mirë në historinë e tyre.
Thënë kjo, bie ndesh me narrativën tashmë të mirëpublikuar se Vinicius ishte një tifoz i Barcelonës si adoleshent.
Gerard Pique ka folur më parë për dëshirën e Vinicius për t’u bashkuar me Barcelonën përpara se të shkonte te Real Madrid, ndërsa agjenti Andre Cury gjithashtu pohoi se Vinicius ishte në lot në fitoren e Barcelonës vetëm dy vjet para se të bashkohej me Los Blancos. /Telegrafi/