Rep-artistët britanikë, Stormzy dhe Wiley, qe një kohë të gjatë kanë qenë në një luftë mes tyre.
Ishte 41-vjeçari që i ka njoftuar fansat se ka mbaruar gjithçka mes tyre dhe se nuk ka më dedikime dhe këngë për njëri-tjetrin, shkruan Daily Mail.
Duke folur për The Guardian, Wiley tregoi: “Gjithçka ka mbaruar. Unë kam folur me Stormzy, kam dashuri për të, sidoqoftë ai nuk mund të rezistonte pasi Ed Sheeran ka qenë në qendër të kësaj”.
Më parë ishte aluduar se Ed Sheeran, i cili kishte bashkëpunuar me Stormzy në vitin 2019, kishte insistuar që dyshja të mbaronin atë që kishin.
Ndërkaq, në janar të këtij viti Stormzy në këngën “Still Disappointed” i ishte referuar Wileyt me fjalët më të rënda të mundshme.
Pas kësaj, reperi nuk kishte pranuar faljen e Wiley, duke i kërkuar atij një raund boksi, i cili do të organizohej nga Eddie Hearn.
Të gjitha këngët dedikuar njëri-tjetrit, postimet në rrjetin social Twitter kanë marrë fund, sipas Wiley, ndërsa dyshja tani nuk kanë probleme të tjera. /Telegrafi/
