Ky është momenti rrëqethës kur një grua 88-vjeçe që kishte nxjerrë qenin e saj për shëtitje, tërhiqet zvarrë për vdekje nga një i ri që po lëvizte me “rollers”.
Pamjet e kamerave të sigurisë të shfaqura në gjykatën e Moskës, tregon dy gra të moshuara duke ecur në parkun e qytetin me qentë e tyre – ku njëri prej tyre ishte i lidhur me litar.
Befasisht shfaqet Igor Berin me “rollera” që kalon pranë gruas, të cilës ia godet litarin e qenit – duke e tërhequr zvarrë nëpër trotuar.
Në gjykatë u tha se viktima ka pësuar lëndime në kokë, pasi u përplas në trotuar dhe ndërroi jetë më vonë në spital.
Megjithatë Berin është liruar nga gjykata ruse duke u cilësuar si vdekje nga neglizhenca, ndërsa për një vit atij i kufizohet liria e lëvizjes – duke u kërkuar nga ai që çdo muaj të lajmërohet në polici. /Telegrafi/
