Siç njoftojnë nga policia, 25 vjeçari nga fshati Llopate të Kumanovës ka marrë kallëzim penal për shkak se ka organizuar aheng familjar dhe ka shkrepur me armë zjarri.
“Më 26.12.2020 në SPB Tetovë është denoncuar se 25-vjeçari V.B në shtëpinë e tij në fshatin Llopate, ka organizuar aheng dhe ka shkrepur me armë. Policët e SPB Kumanovë në koordinim me prokurorin kanë kryer këqyrjen e vendit të ngjarjes ku kanë hasur në 30 mysafirë dhe janë gjetur gëzhoja”, thuhet në njoftimin e policisë.
Ai do të akuzohet për dy vepra penale edhe atë “mosveprim sipas udhëzimeve shëndetësore në kohë epidemi” dhe “Shkaktim të rrezikut të përgjithshëm”.
Nga policia thonë se pas dokumentit të rastit në Prokurori do të parashtrohet kallëzimi penal./Telegrafi/