Në një stacion trenash në Chinqai të Kinës, vajza trevjeçare që ishte së bashku me të ëmën, është rrëzuar nga platforma dhe ka rënë në binarët e trenit.
Pranë saj kanë shkuar kalimtarët e rastit, të cilët janë përpjekur ta nxjerrin përjashta, ndërsa punonjësit e hekurudhës, kanë vrapuar ta lajmërojnë makinistin që të mos niset, transmeton Telegrafi.
Për fat të mirë, vajza është nxjerrë me shpejtësi, pak momente para se treni të nisej për në destinacionin e paraparë.
Në videon e postuar më poshtë, mund të shihni se si përqafohet ajo nga nëna, pasi doli e pa lënduar nga veni ku ndodhej.
Sikur të mos shihej dhe të veprohej me vonesë, ngjarja mund të kishte përfundim shumë të keq. /Telegrafi/
