Në San Bartolome de Pinares në Spanjë, është zhvilluar festivali i lashtë ku pjesëmarrësit kalërojnë nëpër zjarr.
Ky organizim i përvitshëm me përmbajtje religjioze, zhvillohet për nder të Saint Anthony të Abbot, që konsiderohet si mbrojtës i kafshëve, transmeton Telegrafi.
Për këtë arsye, ndizen zjarre të mëdha dhe kalorësit e guximshëm kalërojnë nëpër to.
“Asnjë kalë nuk detyrohet të hyjë në flakë, por ata e bëjnë vet”, është një koment i shkurtër, që i shoqëron fotografitë e postuara në rrjete sociale.
Mësohet se nuk është lënduar apo djegur ndonjë kalë apo njeri, që u bë pjesë e këtij organizimi. /Telegrafi/
