Kaka beson se menaxhmenti i klubit të Milanit e ka ADN-në kuqezi.
Braziliani ka qenë i lidhur me një rikthim si drejtues te Milani, ndërsa ka lavdëruar tre ish-bashkëlojtarët që janë aktualisht në klub.
“Prioriteti për mua janë ende fëmijët e mi Luca dhe Isabela, të cilët janë ende të rinj dhe jetojnë në Sao Paulo”.
“Tani është e vështirë për mua që t’i lë ata, kështu që nuk po kërkoj punë, përveçse më duhet të studioj dhe të mësoj këto mënyra të reja të punës”.
“Do të regjistrohem në kurs për t’u bërë drejtor sportiv në Brazil dhe pastaj të bëj një kurs stërvitjeje në Coverciano”.
“Unë e shoh veten më shumë si drejtor, si Leonardo. Ai ka përvojë, kontakte ndërkombëtare me FIFA-n dhe UEFA-n dhe ka punuar për disa klube të mëdha”.
“Leo bëri gjithçka, udhëtoi nëpër botë, është i mençur dhe gjithashtu e di mirë botën e komunikimit. Ai e di se si të menaxhojë një ekip të rëndësishëm”.
“Paolo është historia, një idhull. Nëse flasin për Milanin në mbarë botën, flasin për Paolon dhe anasjelltas”.
“Paolo do të thotë besnikëri. Unë nuk dua të flas asgjë për menaxhimin e mëparshëm, me të cilin kam pasur disa kontakte, por ky Milan ka diçka ndryshe, sepse e rizbulon ADN-në e Rossonerëve”.
“Leo dhe Paolo u kthyen dhe Gattuso mbeti trajner”.
“Rino është ai që sjell karakter dhe angazhim. Ai ka frymën e atyre që nuk heqin dorë. Ishte kështu kur luante dhe është i njëjtë si trajner”.
“Milani ka marrë rrugën e duhur. Nuk e di se çfarë do të bëjë Maldini në klub saktësisht. Ndoshta do të ketë një rol të ngjashëm me Leonardo, por unë jam i sigurt se ata do të punojnë së bashku”, ka thënë Kaka. /Telegrafi/