Kadrijaj: Lajçak Kosovën e sheh si mundësi për të bërë karrierë, Kushtetuta është e paprekshme

Jehona Hulaj

4 years ago

Deputetja e Kuvendit të Kosovës nga radhët e Aleancës për Ardhmërinë e Kosovës (AAK), Time Kadrijaj, ka thënë se Kosova i ka dëshmuar angazhimin e saj në përmbushjen e të gjitha detyrimeve ndaj BE-së.

“Lajçak po e dëshmon që Kosovën e sheh si mundësi për të bërë karrierë personale, e jo si shtet të pavarur e të barabartë me shtetet tjera të Europës. Kushtetuta e Republikës së Kosovës është e qartë dhe e paprekshme”, ka shkruar Kadrijaj.

Postimi i plotë:

Kosova dhe populli i saj me vite e kanë dëshmuar angazhimin e tyre në përmbushjen e të gjitha detyrimeve tona ndaj BE-së.

Lajçak po e dëshmon që Kosovën e sheh si mundësi për të bërë karrierë personale, e jo si shtet të pavarur e të barabartë me shtetet tjera të Europës.

Kushtetuta e Republikës së Kosovës është e qartë dhe e paprekshme.

Serbia duhet të e ndërroj kushtetutën e vet, dhe duhet të kërkoj falje për të gjitha krimet që i ka shkaktuar popullit të Kosovës. /Telegrafi/