Nëse mendoni që prezervativët janë prodhuar vetëm për një qëllim, jeni në lajthitje të madhe.
Prezervativët nuk u shërbejnë vetëm meshkujve për të bërë seks, por mund të jenë të dobishëm edhe për nënat e reja.
Në rast që pas lindjes, nga mjeku nuk merrni pelena të akullta të cilat lehtësojnë dhembjet e paslindjes, atëherë ky truk do të jetë më i vlefshëm se ari.
Nëse organet gjenitale ju janë të ënjtura dhe përplot hematoma pas lindjes, e gjitha që ju nevojitet është prezervativi në mënyrë që vetes t’ia lehtësoni vuajtjet.
Merrni prezervativin, mbusheni me ujë dhe futeni në frigorifer, transmeton Telegrafi.
Kujdes të mos e mbushni shumë por qitni mjaftueshëm ujë që trashësia e tij të jetë 1 centimetër.
Kur t’ju shfaqen telashet “aty poshtë”, merrni prezervativin e ngrirë dhe për së gjati vendoseni në veshje të brendshme në mënyrë që të zbusni dhembjet.
Për të mos u lagur, përdorni pecetën higjienike që të mbledhë ujin dhe lagështinë nga prezervativi. /Telegrafi/