“GoFundMe” është platformë në të cilën njerëzit kryesisht tentojnë të mbledhin para për projekte të ndryshme apo shërimin e ndonjë personi në rast se është i prekur me ndonjë sëmundje të rëndë.
Megjithatë, në mesin e tyre është edhe Margarita Tomovska, që ka filluar një fushatë me të cilën kërkon 100 mijë dollarë për vete, duke pretenduar se askush nuk po e punëson, transmeton Telegrafi.
Për këtë ajo akuzon policinë, pasi siç thotë i kanë prishur reputacionin gjatë vitit të kaluar derisa po e ndiqnin nga pas kur ajo po voziste me 200 kilometra në orë në New South Wales, e në karriget e pasme e kishte të ulur të bijën dhe atë pa rrip të sigurisë.
Ndryshe, Margarita është shumë aktive në rrjetet sociale ku shpesh lavdërohet me rrobat e shtrenjta, veturat luksoze, dhe publikon fotografi nga kazinotë ku para vetes ka mijëra dollarë.
“E di se ju nuk më njihni, por nuk jam njeri i keq. Ata janë gënjeshtar dhe kanë diçka kundër meje dhe atë pa kurrfarë arsye dhe jam e sigurtë që nuk jam personi i vetëm që gjendet në këtë situatë. Për shkak të gjërave që i kanë menduar për mua, më janë kufizuar të drejtat që ta vizitojë bijën time”, ka shkruar ajo.
“Më kanë vështirësuar shumë jetën, pas gjithë këtyre gjërave askush nuk do ta ketë një punonjëse si unë. Për këtë arsye kam filluar fushatën, të fitojë përkrahje nga ju”, ka shtuar ajo.
Megjithatë përkundër shumë thirrjeve ajo deri më tani ka arritur të mbledh vetëm 175 dollarë. /Telegrafi/