Këtë vit ka rënë niveli I përkrahjes së qytetarëve për antarësimin në Bashkimin Europian. Marko Troshanovski nga Instituti për Demokraci bëri të ditur se se ka një dallim etnik në rritje ndërmjet maqedonasve dhe shqiptarëve, edhe pse të dyja grupet etnike mbështesin anëtarësimin në BE. Ndërsa Zëvendëskryeministri për çështje europiane Bojan Mariç theksoi se ka mbaruar skriningu si dhe në procedurë janë konsultimet e udhërrëfyesve, shkruan Tv 21.
“Një nga aspektet kyçe të mbështetjes së reduktuar është reduktimi i pritjeve dhe zhgënjimi i qytetarëve nga realizimi i reformave, siç ishte rasti i fundit me Raportin e Komisionit Evropian.
Hendeku etnik është më së shumti për shkak të çështjeve bilaterale që prekin identitetin e komunitetit maqedonas dhe rezerva e tyre e mbështetjes për anëtarësim në BE po rritet.”- deklaroi Marko Troshanovski, Instituti për Demokraci.
“Gjithashtu prej në Qershor kemi treguar se Përveç Ukrainës dhe Moldavisë, do të ketë një vendim edhe për ne , do të ketë fillimin e hapjes së klasterit dhe një konferencë të re ndërqeveritare për Shqipërinë, nëse i hedhim hapat deri atëherë.Gjithçka që nuk janë ndryshimet kushtetutese, ne I kemi bërë deri javën e kaluar. E kemi mbaruar skriningun, në procedurë janë konsultimet e udhërrefyesve, besoj që me sukses do të mbarojnë.”- tha Borjan Mariçiç, Zëvendëskryeministër për Çështje Europiane. /Telegrafi/