Tenistja Serena Williams ka pozuar në rroba banje për editorialin e veçantë të revistës “Sports Illustrated”.
Fotografitë janë bërë në lokacionin ekzotik, ndërkaq tenistja për revistën ka zbuluar që pozimi në rroba banje ishte më stresues sesa loja në cilindo turne tenisi, transmeton Telegrafi.
“Njerëzit më kanë shikuar nga lartësia, sepse kurrë nuk jam dukur si vajzë e zakonshme. Njerëzit më kanë shikuar për shkak të ngjyrës së lëkurës. Më kanë nënçmuar për shkak se jam femër. Ka ndodhur edhe të më thonë që kurrë nuk do të fitoj asnjë Grand Slam, kur kam qenë e shtata në listën WTA. Tani i kam fituar 21 tituj dhe planifikoj të fitoj akoma”, ka thënë Serena në intervistë “Sports Illustrated”, e cila e ka shpallur sportiste të vitit.
Ajo që është më interesante është që Serena ka publikuar edhe një fotografi të paretushuar në llogarinë e vet në Instagram dhe kështu ka treguar që e pranon veten ashtu siç është.
”Ajo rrezaton vetëbesim sepse ajo është femër”, ka shkruar revista.
