Regjisori i “Rocky” dhe “Karate Kid”, John G. Avildsen, u shua të premten në moshën 81-vjeçare.
Djali i tij, Anthony, bëri të ditur se i ati mbylli sytë në Los Angeles nga kanceri pankreasit, transmeton TCH.
“Ai ishte një burrë jashtëzakonisht i mrekullueshëm për mua. Ai ishte super i talentuar dhe shumë kokëfortë dhe kjo ishte në dëm të tij, por shpesh edhe në përfitim të tij”, ka thënë Anthony.
“Rocky” ishte një sukses i madh. Ai fitoi Oskar për foton më të mirë, regjisorin dhe editimin dhe u nominua dhe për shtatë Oscar të tjerë.
Sylvester Stallone, në atë kohë jo shumë i njohur, kishte shkruar skenarin dhe i kërkoi Avildsen ta udhëhiqte, pavarësisht se ai ishte duke punuar për një tjetër film.
“Regjisori i madh John G. Avildsen, i cili fitoi Oscar për regjinë e “Rocky”. Prehu i qetë. Jam i sigurt se së shpejti do të bësh regjinë e hiteve në Parajsë. Faleminderit, Sly”, ka shkruar Stallone në Instagram.
“Joe”, “Save the Tiger”, “Fore Play”, “The Formula”, “Neighbors”, “For Keeps”, “Lean on Me”, “The Power of One”, “8 Seconds”, “Inferno”, “Rocky V” deh tre filmat e parë “The Karate Kid” – janë prodhim Avildsen. /Telegrafi/