Wilt Chamberlain, njeriu që ka thyer rekorde në NBA, i cili po ashtu mburret se ‘ka fjetur me mbi 20 mijë gra”, është akuzuar për sulm seksual.
Ylli i filmave horror – e njohur gjithashtu si Cassandra Peterson – pretendoi se Wilt e detyroi atë të bënte seks oral në një festë në vitet 1970.
Elvira detajoi sulmin e supozuar në librin e saj të ri të quajtur, “Yours Cruelly, Elvira: Memoirs of the Mistress of the Dark”.
Aktorja e “Mistress of the Dark” pohoi se ndodhi në një festë në rezidencën Wilt’s Bel-Air.
“Përse nuk u përpoqa të bërtas, të luftoj apo të iki?”, tha Elvira në librin e saj të ri.
“Kur një njeri aq i madh e ka dorën të mbështjellë në qafën tuaj, me të vërtetë nuk mund të bëni shumë”.
“A duhet ta kisha raportuar atë në polici? Po tallesh? Çfarë mundësie mendon se do të kishte një ish-aktore jashtë punës kundër një superylli sportiv?”, vazhdoi më tej ajo.
Wilt vdiq në moshën 63 vjeçare në 1999, pasi luftoi me problemet e zemrës dhe përkeqësimin e shëndetit për vite me radhë.
Duke reflektuar mbi sulmin e supozuar, Elvira tha se ndihej ‘më e tmerrshme’ sepse kishte qenë miq me Wilt.
Ajo tha për People: “Unë thjesht e mbajta atë në heshtje dhe nuk thashë asgjë gjatë gjithë jetës sime. Dhe gjëja më e trishtueshme ishte se ai ishte një mik i imi”.
“Unë nuk i tregova askujt për atë histori. Është tronditëse, e turpshme, traumatizuese dhe me të vërtetë e kam mbajtur sekret nga të gjithë”.
Elvira më tej theksoi se i tregoi vetëm ish-bashkëshortit Mark Pierson, për këte që ndodhi. /Telegrafi/